Хоккейн нөхөрсөг тоглолт боллоо

Олон улсын хоккей сонирхогчдын холбоо 40+ (International Hockey Friendship Network 40+)

Олон улсын хоккей сонирхогчдын холбоо 40+ (International Hockey Friendship Network 40+) ТББ-аас санаачлан монголын ахмад хоккейчдын эсрэг олон улсын ахмад хоккейчдын тоглолт зохион байгууллаа. Гол утга санаа нь Монголд хоккейн спортыг таниулан сурталчлах болон хоккейн спортоор дамжуулан нөхөрлөлийг бэхжүүлэх зорилготой үйл ажиллагаа байлаа. Энэ үеэр ахмад тамирчдаас гадна ирээдүй болсон бяцхан тамирчин хүүхдүүдийн тоглолт болсон нь тун үзүүштэй, онцлог байлаа.

Тоглолт маш сонирхолтой өрнөж үндсэн гурван үед 3:3 харьцаагаар тэнцэж, нэмэлт цохилт (shootout)-оор тоглолтын хувь заяа шийдэгдсэн. Торгуулийн цохилтын үед монголын багийн хаалгач гурван довтолгоог амжилттай хааснаар багаа багаа хожилд хүргэснээр тоглолт өндөрлөв.

          Өдөрлөгийн дараагийн үйл ажиллагаа хүүхдүүдийн тоглолт хоёр үе үргэлжилсэн ба багууд аль аль нь үе тус бүрд хоёр гоол хийж нийлбэр дүнгээр 4:4 гэж тэнцсэн. Мөн л торгуулийн цохилтоор ялагчаа шийдсэн. Үзэгчид Монголын хоккейн ирээдүй гоё байгаа талаар ярилцаж байсан нь энэ хүүхдүүдийн тоглолт хэр чанартай байсан гэдгийг илтгэж байлаа.

          Энэхүү үйл ажиллагааг Олон улсын хоккей сонирхогчдын холбоо 40+ ТББ, Монголын шайбтай хоккейн холбоо, Мөсөн өргөө зэрэг байгууллагууд хамтран зохион байгуулсан бөгөөд үйл ажиллагааны үеэр Канадын элчин сайд, Монголын үе үеийн хоккейн багш дасгалжуулагчид, хоккейн спортод дурлагсад хүрэлцэн ирсэн байв.

Хасагдах шат эхэллээ

Монголын хоккейн холбооны 2021-2022-ны улиралын хасагдах шатны тоглолтууд 2022 оны хоёрдугаар сарын 10-наас 13-ны өдрүүдэд Улаанбаатар хотод Мөсөн өргөө цогцолборт болно.

Энэ улирлын хасагдах шатанд Монголын шилдэг 4 баг болох:

  • Шарын гол
  • Отгон-Од Бласт
  • Хангарьд
  • Дархан багуудын гал гарсан ширүүн тоглолтууд 2-р сарын 10-13 ны өдрүүдэд Мөрөөдөл биелэх Мөсөн өргөө Steppe Arena цогцолборт эхлэхэд бэлэн боллоо.

Хасагдах шатны эхний учраа:

  • Шарын гол 🆚 Отгон-Од Бласт
  • Хангарьд 🆚 Дархан

Түрүүлж 2 хожсон баг нь финалын шатанд шалгарах уг сонирхолтой цуврал тоглолтуудыг хоккей сонирхогч залуус та бүхэн минь хүрэлцэн очиж баг тамирчидаа дэмжихийг уриалж байна.

Эх сурвалж: World Sports page